RSS

अन्य दल नेतृत्वको सरकार बने दुई महिना पनि टिक्न दिन्नौं : दाहाल

04 जुलाई

काठमाडौं, असार २०

एकीकृत माओवादी अध्यक्ष पुष्पकमल दाहालले अन्य दल नेतृत्वको सरकार बने दुई महिना पनि टिक्न नदिने चेतावनी दिएका छन्।
शनिबार कांग्रेस संसदीय दलको कार्यालय सिंहदरबारमा वार्तामा दाहालको भनाइ उद्धृत गर्दै सहभागी एक कांग्रेस नेताले भने, ‘माओवादीबाहेक अन्य दलको नेतृत्वमा सरकार बने दुई महिना पनि टिक्न दिन्नौं।’
कांग्रेस कार्यवाहक सभापति सुशील कोइरालाका अनुसार वार्तामा कांग्रेसले आफ्नो प्राथमिकता शान्ति प्रक्रिया र संविधान भएको जानकारी गराएको थियो।प्रधानमन्त्रीले राजीनामा दिइसकेको अवस्थामा तीनबुँदे सहमति कार्यान्वयन गरेर मार्गप्रशस्त गर्न सुझाएको कोइरालाले बताए। ‘प्रधानमन्त्रीले राजीनामा गरिसकेपछि अब तपाईंहरूले मार्गप्रशस्त गर्नुस् भन्यौं,’ कोइरालाले नागरिकसँग भने।
भेटमा कांग्रेसले माओवादीलाई तीनबुँदे सहमतिको पहिलो बुँदालाई नयाँ व्याख्या नगर्न सुझाएको संसदीय दलका नेता पौडेलले बताए। ‘माओवादीले पहिलो बुँदालाई प्रस्तावना भनेर व्याख्या गर्न मिल्दैन,’ उनले भने।
कांग्रेससँगको वार्तामा माओवादीले लडाकुको संख्या तोक्न नसकिने, बरु दुई महिनाभित्र समूहगत विभाजन प्रक्रिया सुरु गर्न सकिने स्पष्ट गरेको छ। दाहालले भने लडाकु व्यवस्थापनलाई भर्ती नभएर समायोजनको रूपमा बुझ्न आग्रह गरे।
वार्तामा कांग्रेसबाट कोइराला, नेता शेरबहादुर देउवा, उपसभापति गोपालमान श्रेष्ठ, महामन्त्री विमलेन्द्र निधि र केन्द्रीय सदस्य कृष्ण सिटौला सहभागी थिए।माओवादीबाट पार्टी अध्यक्ष दाहाल, उपाध्यक्षबाबुराम भट्टराई, मोहन वैद्य र नारायणकाजी श्रेष्ठ सहभागी थिए। आइतबार एमालेसँग वार्ता गर्ने कांग्रेसको कार्यक्रम छ।

Advertisements
 

जवाफ लेख्नुहोस्

Fill in your details below or click an icon to log in:

WordPress.com Logo

You are commenting using your WordPress.com account. Log Out / बदल्नुहोस )

Twitter picture

You are commenting using your Twitter account. Log Out / बदल्नुहोस )

Facebook photo

You are commenting using your Facebook account. Log Out / बदल्नुहोस )

Google+ photo

You are commenting using your Google+ account. Log Out / बदल्नुहोस )

 
%d bloggers like this: