RSS

प्रचण्ड भावी प्रधानमन्त्रीको आधिकारिक उमेदवार होईनन्ः रायमाझि

04 Jul

काठमाडौ, २० असार
एकीकृत नेकपा माओवादी स्थायी समिति सदस्य टोपवहादुर रायमाझीले भावि सरकारको नेतृत्व वारे कसैको नाम नतोकेको भन्दै अध्यक्ष प्रचण्डसमेत आधिकारिक उम्मेदवार नभएको दाबी गरेका छन् ।
रिपोर्टर्स क्लब नेपालद्वारा आइतवार आयोजित साक्षात्कार कार्यक्रममा नेता
रायमाझीले पछिल्लो पोलिटव्युरो निर्णयले कुनै पनि व्यक्तिलाई प्रधानमन्त्रीका रुपमा नतोकेका कारण सबैको विकल्प खुल्ला रहेको समेत स्पष्टगरेका छन् ।नेता रायमाझीले प्रचण्डलाई नै प्रधानमन्त्री बनाउनुपर्छ भनेर बोल्दै हिंड्नेनेताहरुमाथि कारबाहीका लागि पार्टीभित्र छलफल हुने समेत घोषणा गरे ।‘माओवादीभित्र जो सुकै व्यक्ति पनि प्रधानमन्त्री बन्न सक्छ, प्रचण्ड पनि, बाबुरामपनि’ रिपोर्टर्स क्लब नेपालका अध्यक्ष ऋषि धमलाको सभापतित्वमा सम्पन्नसाक्षात्कारमा नेता रायमाझीले भने, ‘तर, पत्रकारहरु स्पष्ट हुनुस्, पार्टीले
कुनै पनि व्यक्ति तोकेको छैन त्यसकारण व्यक्ति तोक्दै हिंड्नु पार्टी निर्णयविपरीत छ ।’१देखि११असारसम्म पोलिटव्युरो बैठक बस्नु अघि अध्यक्षको नेतृत्वमा सहमतियसरकार गठन गर्ने अडानमा पार्टी रहे पनि पोलिटव्युरोले त्यसलाई परिवर्तनगरेको र अब अध्यक्ष उम्मेदवार नरहेको रायमाझीको स्पष्टोक्ति थियो। सहमतिय सरकार बाहेक अरु बिकल्प नभएको बताउँदै रायमाझीले त्यसको नेतृत्व माओवादीले नै गर्नुपर्ने तर्क गरे । ‘संविधानसभाको मत अनुसारको ठूलोपार्टी र वर्तमान प्रतिपक्षी भएको हैसियतले हामीले नेतृत्वको दावी गरेकाहौँ’ रायमाझीले भने, ‘त्यसकारण हाम्रो वाहेक अरुको नेतृत्व स्वीकार्य हुनसक्दैन ।’कुनै पनि पार्टीका प्रधानमन्त्री पदका दावेदार नेताहरु वार्ता टोलीमा बस्नुनहुने जिकिर गर्दै रायमाझीले भने, ‘यो प्रक्रिया नै गलत भयो ।’
नेपाली कांग्रेसका नेता विनजध्वज चन्दले १२ बुँदे समझदारीदेखि हालसम्म भएका सहमति कार्यान्वयन नभएसम्म माओवादी नेतृत्वमा सरकार गठन हुन नसक्ने बताए ।‘विधान बनोस् वा नबनोस्, माओवादीले सहमति कार्यान्वयन नगरेसम्म सरकार गठन हुँदैन’ चन्दले भने । उनले कांग्रेसले कुनै पनि व्यक्तिलाई प्रधानमन्त्रीको उम्मेदवार नतोकेको जिकिर गर्दै कार्यवाहक सभापति सुशील कोइरालाले रामचन्द्र पौडेलका पक्षमा दिएको अभिव्यक्ति व्यक्तिगत भएको टिप्पणि गरे । ‘कार्यवाहक सभापतिले त्यसो भन्न मिल्दैनथ्यो’ उनले भने । उनले पार्टी महामन्त्री केवी गुरुङको नेतृत्वमा नयाँ सरकार गठन गनुपर्ने र त्यसमा सबैको समर्थन रहने पनि विश्वास व्यक्त गरे । ‘केवी गुरुङ् अहिलेको सबैले मान्ने र सर्वसम्मत राजनीतिकव्यक्ति हो’ नेता चन्दले भने ।
नेकपा एमाले पोलिटब्यूरो सदस्य गंगालाल तुलाधरले राष्ट्रिय सहमतिकोसरकारको नेतृत्व अध्यक्ष झलनाथ खनालले गर्नुपर्ने बताए । ‘त्यसका लागि सबैभन्दा योग्य उहाँ नै हुनुहुन्छ’ उनले भने— खनालको नेतृत्वमा सहमतीय सरकार नबने पनि बहुमतीय सरकार बन्छ । हाम्रो पार्टीको असार २२ गते बस्ने केन्द्रीय कमिटिको बैठकले खनालको नाम सर्वसम्मतीले अनुमोदन गछ । उनले माओवादीको नेतृत्वमा अहिले सरकार बन्न नसक्ने बताउँदै भने— जबसम्म उनीहरुहतियार र सेना विहीन हुँदैनन् तबसम्म उनीहरुको नेतृत्वमा सरकार बन्नै सक्दैन

 

जवाफ लेख्नुहोस्

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

 
%d bloggers like this: