RSS

कांग्रेस र एमाले प्रधानमन्त्री मात्र फेर्ने षडयन्त्रमा ः नारायणकाजी

05 Jul

काठमाडौं, असार २१
एकीकृत माओवादीका उपाध्यक्ष एवं संसदीय दलका उपनेता नारायणकाजी श्रेष्ठले कांग्रेस र एमाले वर्तमान गठबन्धनै कायम राखी प्रधानमन्त्री फेर्ने षडयन्त्रमा लागेको बताएका छन् ।
‘कांग्रेस, एमालेले राखेको सर्त किचलो झिक्ने बढाउने प्रयासमात्र हो, संयुक्त राष्ट्रिय सरकार बनाएर शान्ति र संविधान सुनिश्चित गर्नुपर्नेमा फेरि बहुमतका नाममा प्रधानमन्त्री मात्र फेर्ने खेल हुनु विडम्बना हो,’ आज रिपोर्टर्स क्लब नेपालमा आयोजित साक्षात्कार कार्यक्रममा नेता श्रेष्ठले भने– अझै पनि हामी संयुक्त राष्ट्रिय सरकारकै पक्षमा छौं, हामीले बहुमतीय सरकारको पहलकदमी गरेका छैनौं ।
रिपोर्टर्स क्लब नेपालका अध्यक्ष ऋषि धमलाको सभापतित्वमा सम्पन्न साक्षात्कार कार्यक्रममा माओवादी उपाध्यक्ष श्रेष्ठले माओवादी नेतृत्वको सरकारमा बनेमा पार्टी अध्यक्ष प्रचण्डको विकल्प नहुने बताए । ‘सरकारको नेतृत्वमा प्रचण्ड नै हो, त्यसको विकल्प छैन,’ उनले भने– यस्तो सरकारमा बस्ने आधार संविधानसभाको जनमत नै हो ।
उनले लडाकु समायोजनका लागि पार्टीले दलहरुसँग ६ बुँदे प्रस्ताव राख्ने बताए । ‘जनमुक्ति सेनालाई विशेष समितिमातहत राख्ने, वैज्ञानिक विधिबाट समायोजनको संख्या निर्धारण गर्ने, समायोजनमा जान चाहने स्वेच्छिक छनोट, जनमुक्ति सेनाको छुट्टै फोर्स बनाउनेलगायत प्रस्ताव तयार गरेका छौं,’ उनले भने– जनमुक्ति सेनाको छुट्टै सुरक्षा फोर्स बनाउँदा नेपाली सेनाको हाइरार्कीमा पनि समस्या हुँदैन ।
श्रेष्ठले वाइसिएलको अद्र्धसैन्य संरचना तत्काल हटाउन सकिने धारणा राखे । तर, शान्ति प्रक्रियाको टुंगो लगाउन अनमिनको दुई महिने म्याद पर्याप्त नभएको उनको भनाइ थियो । कब्जा घरजग्गा उच्चस्तरीय समिति बनाएर फिर्ता गर्न सकिने तर चेतनाका कारण जमिनदारको जग्गामा बसेका जोताहालाई निकाल्न नसकिने उनले बताए ।
उनले राज्य पुनर्संरचना आयोग बनाएर र विवाद रहेका विषयमा केन्द्रित हुन सके जेठ १४ गतेअगावै संविधान निर्माण गरिसक्ने र संविधानको सुनिश्चितता सँगै सेना समायोजन पनि टुंगो लाग्ने दाबी गरे । ‘कांग्रेस, एमालेले भनेजस्तो सबै काम तत्काल पूरा हुने अवस्था छैन, तैपनि हामी शान्ति र संविधानका निम्ति न्यूनतम सहमति गर्न तत्पर छौं,’ उनले भने ।

 

जवाफ लेख्नुहोस्

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

 
%d bloggers like this: