RSS

विश्व कै कम उमेरकी गायिका नेपालमा!

19 Jul

पत्याउन गाह्रो हुन्छ, जसले अक्षर नै चिनेको छैन, उनी शास्त्रीय संगीतको सुर लगाउन खोज्दै गीत गाउँछिन्।
तर ३ वर्षकी अतिथि गौतम केसीले सबलाई अचम्ममा पारिदिएकी छिन्। २ वर्षको उमेरदेखि नै गाउन थालेकी अतिथिको हिजो गीति एल्बम रिलिज भएको छ।एल्बम रिलिजको क्रममा ‘लाइभ’ सारेगमलाई सुर नबिगारी गाइदिएर राष्ट्रिय तथा अन्तर्राष्ट्रिय आकर्षण बन्न पुगिन् अतिथि। नेपाली सञ्चार माध्यमले मात्र हैन, विदेशी समाचार एजेन्सीले पनि यो समाचारलाई प्रसार गरे।
कस्तो छ त उनको गीत? कस्तो छ त उनको सुर? आउनुस्, हामी तपाईँलाई देखाउँछौँ विश्व कै कम उमेरकी गायिकाको रुपमा गिनिज बुकमा नाम लेखाउने प्रक्रिया अघि बढाइसकेकी बालिकाको म्युजिक भिडियो

अतिथिका बुबा उद्धव केसी पनि गायकै रहेछन्। सुन्नुभएको छ ‘मेरी माया साह्रै नै राम्री- राम जाने’ भन्ने गीत। हो, उनैले गाएका हुन् यो गीत। उनी माइसंसारका पनि नियमित पाठक रहेछन्। हिजो राति अबेर उनीसँग भेट भयो र उनले अतिथिका बारेमा गजबका कुरा सुनाए। ६ महिनामा बोल्न थालेकी अतिथि आठ महिना पुग्दा हिँड्न थालेकी रहिछिन्। २ वर्ष देखि नै गीत गाउन थालेकी रे उनले। आफ्नै दिदी उष्णा के. सी. ले गाएको देखेपछि त्यसलाई नक्कल गर्ने बानीले नै उनलाई गीत संगीत प्रति मोह जगाएको रहेछ।
तर अहँ, बुबा उद्धव केसीको अनुहारमा घमण्ड देखिएन आफ्नी छोरीको सफलतामा। उनी बरु भन्दैथिए- हामी नेपाली केहीमा पनि कम छैनौँ। हामी अरु भन्दा कम छौँ भन्ने हिनताबोध सबैले हटाउनु पर्छ। मेरी छोरीले गायनमा यस्तो प्रतिभा देखाए, अरुले अरुमा देखाएका छन्, देखाउनेवाला छौँ। हामी नेपाली भएकोमा गर्व गर्ने वातावरण बन्नुपर्छ।उनी भन्दै थिए शास्त्रीय संगीतमा प्रारम्भिक तह उत्तीर्ण गरेकालाई समेत गाउन गाह्रो हुने स्वर लिपी (अलँकार) समेत अतिथिले सहज रुपमा गाएकी छिन्। म आफै गायक हुँ तर मलाई पनि सुर लगाउन गाह्रो पर्छ कहिलेकाहीँ।
हिजोको एल्बम विमोचन कार्यक्रममा ख्यातिप्राप्त बाद्यबादकको प्रत्यक्ष संगीतमा उनले लाइभ तीन वटा गीत गाइदिइन्। गीत गाउलान् कि नगाउलान् भनेर बुबा उद्धवलाई चिन्ता लागेको रहेछ। उनले छोरीलाई फकाउन नौलो उपाय रचेछन्। ‘आज बिहान ओछ्यानमा तिमीले सुसु गरिदिएको सबैलाई भनिदिन्छु’ भनेर जिस्केछन् बुबा। छोरीले नाइँ नभन्नुस् न म गाउँछु भनिछिन्। र त, अक्षर नै नचिन्ने अतिथिले तीन तीन वटा गीत प्रत्यक्ष गाएर सबलाई छक्क बनाइदिइन्।

एक वर्षको समय लगाएर तयार पारिएको हिजो विमोचन गरिएको एल्बममा एउटा राष्ट्रिय गानसहित नौ वटा गीत छ। ती गीतका केही झलक हामी अर्को ब्लगमा केही दिनमा राख्‍नेछौँ। एल्बममा भएका गीत मध्ये सारेगम नोटेसन भएको गीतको म्युजिक भिडियो पनि तयार पारिएको छ। यसको निर्देशन डब्बु क्षेत्रीले, छायाँकन निर्देशन बिदुर पाण्डे गरेका हुन्। छायाँकारमा कृष्ण श्रेष्ठ, रामशरण उप्रेती र रामेश्वर कार्की रहेको भिडियोको नृत्य निर्देशन गम्भिर बिष्टले र सम्पादन प्रकाश तुलाधरले गरेका छन्।

 
१ टिप्पणी

Posted by on जुलाई 19, 2010 in Uncategorized

 

One response to “विश्व कै कम उमेरकी गायिका नेपालमा!

  1. Santosh Pandey

    जुलाई 19, 2010 at 2:45 अपराह्न

    Dear lovely Atithi,

    My eyes gonna b full wid tears while I listen u….because of ur sweeeet sweeeet voice n the way u r following the music track. I appreciate u n I pray for ur sparkling upcoming…………….

     

जवाफ लेख्नुहोस्

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

 
%d bloggers like this: