RSS

साझाको दुर्दशा- अवकास खर्च जुटाउन जग्गा बेचियो

19 Jul

ललितपुर,
२० वर्ष सेवा गरी आइतबारबाट अवकास लिएका साझा यातायातका कर्मचारी ज्ञानबहादुर श्रेष्ठलाई संस्था छोडेकोमा भन्दा पनि संस्थाको दुर्दशाले चिन्तित बनाएको छ । विसं २०४३ बाट मेकानिकल हेल्परको रूपमा सेवा प्रवेश गरी अनिवार्य अवकास लिएका ओखलढुंगाका श्रेष्ठलाई मात्र होइन, हाल संस्थामा कार्यरत कर्मचारीमा यही चिन्ताले सताउँछ ।
गत २०६६ सालदेखि मुलुककै पहिलो साझा यातायात पूर्णरूपमा बन्द भएपछि त्यहाँ कार्यरत कर्मचारी बेवारिसे अवस्थामा हाजिरमात्र गरेर तलब खाने गरेका छन् । कतिपयले अवकाश लिँदैछन् भने बाँकी कर्मचारीलाई तलब खुवाउन धौ-धौ परेको छ ।विसं २०५८ मै सरकारले साझा यातायात बन्द गर्ने निर्णय गरेपछि बन्द भएर पुनः २०६० खुलेको थियो तर, २०६१-०६२ को तत्कालीन द्वन्द्वका बेला साझाका १३ वटा बस जलाइएपछि सरकारले कुनै क्षतिपूर्ति नदिएकाले साझा २०६४ मा बन्द भएको थियो ।
केही गाडी स्कुललाई भाडामा चलाउन दिए पनि प्रभावकारी नभएपछि २०६६ देखि पूर्णरूपमा बन्द भएको हो । एकताका एसियाकै राम्रो संस्थाको रूपमा मानिने साझा यातायातको सेवा बन्द भएपछि फुर्सदका कर्मचारीलाई तलब खुवाउन साझालाई गाह्रो भएको छ । अन्य आयस्रोत नभएपछि साझाले अहिले भाडाबाट उठेको रकमबाट कर्मचारीलाई तलब खुवाउने गरेको छ ।आम्दानीका कुनै स्रोत नभएपछि भाडामार्फत उठेको रकमबाट कर्मचारीलाई तलब खुवाउने गरिएको प्रशासकीय अधिकृत अनन्त पौडेल बताउँछन् । “अवकास लिएर जाने साथीहरू त गइहाल्नुभयो, अब हाम्रो अवस्था के हुने हो, कर्मचारीलाई कसरी बिदा गर्ने भन्ने ठूलो चिन्ता छ, सेवा सञ्चालन पहलको त कुरै छाडौं”, उनले भने ।
साझाको केही जग्गा २०६५ बाट नेपाल टेलिकमले भाडामा लिएको छ । सोही जग्गामा साझा पेट्रोलपम्प सञ्चालित छ । टेलिकमबाट मात्र मासिक ५ लाख ६६ हजार ३०० र पेट्रोल पम्पबाट मासिक १ लाख १५ हजार रुपैयाँ भाडा उठ्ने गरेको छ ।यसैगरी अन्य पसलबाट पनि भाडा उठाएर सोही भाडामार्फत कर्मचारीलाई तलब खुवाउने गरिएको छ । साझा यातायातमा १ हजार १०० कर्मचारी रहेकोमा हाल हाल ९ ड्राइभरसहित ५३ कर्मचारी कार्यरत छन् ।
आर्थिक अभावकै कारण साझाले आफ्ना अवकासप्राप्त १८ कर्मचारीलाई आइतबार औपचारिक बिदाई पनि गर्न सकेन । साझाको पुल्चोकमा २२ रोपनी, लगनखेलमा ७ रोपनी र वीरगन्जमा करिब १ बिघा निजी जग्गा रहेकोमा लगनखेलको जग्गा कर्मचारीको अवकास खर्च जुटाउन बिक्री गरिएको छ ।बिक्री गरिएको जग्गाको रकम संस्थामा लगानी गरिए उचित हुने कर्मचारीको धारणा छ । राज्यले गम्भीरता नदेखाएका कारण साझा ओझेलमा परेको र तिनका कर्मचारीको हाल बेहाल भएको कर्मचारी स्वयम् बताउँछन् सरकारले आवश्यक परेका बेला साझाको प्रयोग गरेको पछि उसको अवस्था नाजुक भएपछि फर्केर नहेरेको एक कर्मचारीले गुनासो गरे ।
स्टोरभरि बहुमूल्य पार्टपूर्जा थन्किएका छन् । तिनका लागि प्रयोग हुने सवारीसाधन नेपालमा छैनन् । सबै जापानिज बसका मात्र सामान छन् ।इन्जिनका पाटपूर्जा बनाउने करोडसम्म मूल्य पर्ने मेसिन त्यत्तिकै थन्किएकोमा पनि कर्मचारी चिन्तित छन् ।यकिन मिति नभए पनि २०४३ देखि निरन्तररूपमा चल्दै आएको साझा यातायातका १८९ वटा बस थिए । हाल १३ वटा छन्, त्यही पनि बेवारिसे अवस्थामा छन् ।तत्कालीन बन्द-हड्तालका बेला केही तोडफोड र आगजनीबाट ध्वस्त भए भने केही लिलाममा बिक्री गरिएका छन् ।साझाले तत्कालीन समयमा पूर्व राजविराजदेखि पश्चिम नेपालगन्ज, सुर्खेतसम्म आफ्नो सेवा सञ्चालन गरेको थियो । सीबी अधिकारी -रासस)

 

जवाफ लेख्नुहोस्

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

 
%d bloggers like this: