RSS

साईबाबा सिकिस्त

06 Apr

(एएफपी)

हैदरावाद,भारत , चैत्र २३ – अनुयायीमाझ चामत्कारिक धार्मिक गुुरुका रूपमा परिचित सत्य साईबाबाको स्वास्थ्य नाजुक बन्दै गएको छ । स्वास्थ्यस्थिति गम्भीर भएपछि उनलाई भेन्टिलेटरमा राखिएको छ ।
मृगौला र फोक्सोमा खराबी आएर श्वासप्रश्वासमा कठिनाइ भएपछि उनी आफ्नै संस्थाको पुट्टपर्तीस्थित अस्पतालमा गत साता भर्ना भएका थिए ।डायलसिस गराइरहेका साईबाबाको स्वास्थ्य नाजुक बन्दै गएपछि उनलाई भेन्टिलेटरमा राखिएको श्री सत्य साई इन्स्िटच्युट अफ हाइअर मेडिकल साइन्सेजको बुलेटिनमा उल्लेख छ । साईबाबा अस्वस्थ भएको खबरले आन्ध्र प्रदेशको पुट्टपर्तीस्थित आश्रममा हजारौं अनुयायी आउन थालेका छन् । उनीहरूमध्ये कतिपयले यथार्थ सूचना नपाएको भन्दै आक्रोशसमेत व्यक्त गरेका छन् ।
‘शरीरको मुख्य प्रणालीले राम्ररी काम गरेको छैन, उनको अवस्था चिन्ताजनक छ, चिकित्सकहरूको समूहले सक्दो प्रयास गरिरहेका छन्,’ अस्पतालका निर्देशक ए एन सफायाले एक वक्तव्यमा भनेका छन् । साईबाबाको संवेदनशील अवस्थालाई सरकारले भने खासै प्रचारमा ल्याउन चाहेको छैन ।
प्रहरीले सहरमा समूहगत रूपमा भेला हुन रोक लगाएको छ । भारत र विदेशका दसौं लाख अनुयायीमध्ये केहीले उनलाई ‘जीवित देवता’ का रूपमा विश्वास गर्छन् । सन् १९१८ मा निधन भएका सिर्दीका साईबाबाको पुनर्जन्म भएको उनीहरूको विश्वास छ । सयभन्दा बढी मुलुकमा उनका अनुयायी छन् । मृत्यु टार्नेसहितका अनगिन्ती चमत्कार देखाएको दाबी उनको संस्थाको छ । साईबाबाका अनुयायीमा भारतका पूर्वप्रधानमन्त्री, ठूला व्यवसायी र चर्चित क्रिकेट खेलाडीहरूसमेत छन् । सुन्तला रंगको पहिरन र कपालमा देखिने साईबाबाको भारतीय धार्मिक गुरुमध्ये अलग्गै पहिचान छ । उनको संस्थाले भारतमा विभिन्न अस्पतालसहित स्वास्थ्य र शिक्षा परियोजनामा आर्थिक सहयोग गरेको छ ।

 
१ टिप्पणी

Posted by on अप्रील 6, 2011 in Uncategorized

 

One response to “साईबाबा सिकिस्त

  1. Salu

    अप्रील 6, 2011 at 10:16 बिहान

    Get well soon Saibaba,Om Sairam!

     

जवाफ लेख्नुहोस्

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

 
%d bloggers like this: