RSS

परम्परागत घर बनाउनेलाई अनुदान

17 जुलाई

सरोज शर्मा

भक्तपुर, श्रावण १ – मध्यपुरथिमी नगरपालिकाले पुरानो बसोबास क्षेत्रमा परम्परागत शैलीमा घर निर्माण गर्नेलाई अनुदान दिने भएको छ । नगरपालिकाको शुक्रबार भएको १८ औं परिषद्ले नगरभित्रको पुराना संरचना जोगाउन पुरानो बस्ती -कोर क्षेत्र) मा घर बनाउनेलाई अनुदानको व्यवस्था गर्न लागेको हो ।

नक्सा पास गर्दा लाग्ने रकम सहुलियतको रूपमा अनुदानको रूपमा दिन लागेको नगरपालिकाका कानुन अधिकृत केशव सिलवालले बताए । ‘पुरानो बस्तीभित्रको घर भत्काएर त्यही ठाउँमा बनाउन खोज्नेलाई नक्सा पास गर्दा लिने रकम अनुदानको रूपमा दिन लागेको हो,’ उनले भने, ‘विगतको परिषद्मा पनि यस्तो ल्याए पनि यस वर्षबाट लागू गर्न लागेको हो ।’

सहुलियत दिँदा घर बनाउनेलाई पनि प्रोत्साहन हुने र परम्परागत घरको संख्या पनि थपिन सक्ने उनले बताए । सहरी अवधारणाअनुरूप नगरको बस्ती विकासका लागि आवश्यक नीति बनाई कार्यान्वयन गर्ने भएको छ ।

नगरपालिकाको विकासका लागि करिडोर चक्रपथ निर्माणका यसै वर्षदेखि पहल गर्ने कार्यक्रम रहेको कार्यकारी अधिकृत रामकृष्ण उप्रेतीले बताए । ‘नगरको चारैतिर सिमाना खोला रहेकोले त्यसको किनारमा सडक बनाएर चक्रपथको रूपमा विकास गर्न लागेको हो,’ उनले भने ।

नगरपालिकाबाट सञ्चालित कोरिया-नेपाल मैत्री अस्पताललाई व्यवस्थित गर्न विगतमा दिँदै आएको सहयोगलाई निरन्तरता दिने र थप स्रोतका लागि स्थानीय विकास मन्त्रालय र स्वास्थ्य तथा जनसंख्या मन्त्रालयमा माग गर्ने भएको छ । त्यस्तै अस्पतालको क्षमता विकासका लागि नर्सिङ कलेज खोल्ने प्रक्रिया सुरु गर्ने भएको छ । नगरलाई सांस्कृतिक पर्यटकीय नगरको रूपमा विकास गर्ने नगरपालिकाले उद्देश्य लिएको उनले बताए ।

नापी कार्यलाई व्यवस्थित गरी नगरवासीलाई सरलरूपमा धनीपुर्जा वितरण गर्ने, धनीपुर्जा लिन छुट भएको हकमा पुनः धनीपुर्जा वितरणको व्यवस्थाका लागि सरकारसँग माग गर्ने नीति बनाएको छ ।

त्यस्तै, नगरपालिकाको आन्तरिक स्रोत वृद्धिका लागि राजस्व असुलीका लागि गस्ती परिचालन गर्ने, सार्वजनिक जग्गा, बाटो, भौतिक संरचनाको संरक्षणका लागि नीति ल्याउने भएको छ । नगरपालिकाले आर्थिक वर्ष २०६८/०६९ का लागि १६ करोड २५ लाख ४१ हजारको बजेट र नीति तथा कार्यक्रम सार्वजनिक गरेको छ ।

यो बजेट आर्थिक वर्ष २०६७/०६८ को तुलनामा २२ दशमलव ७४ प्रतिशतले बढी रहेको उप्रेतीले बताए । नगरपालिकाले प्रस्तावित आयतर्फ आन्तरिक स्रोतबाट पाँच करोड २५ लाख ४१ हजार, बाह्य स्रोतबाट नौ करोड रुपैयाँ र मौज्दात दुई करोडको बजेट रहेको छ ।

Advertisements
 

जवाफ लेख्नुहोस्

Fill in your details below or click an icon to log in:

WordPress.com Logo

You are commenting using your WordPress.com account. Log Out / बदल्नुहोस )

Twitter picture

You are commenting using your Twitter account. Log Out / बदल्नुहोस )

Facebook photo

You are commenting using your Facebook account. Log Out / बदल्नुहोस )

Google+ photo

You are commenting using your Google+ account. Log Out / बदल्नुहोस )

 
%d bloggers like this: