RSS

नेपाललाई २ स्वर्ण, १२ रजत र २२ कास्य

30 जुलाई

दीपक खडका
काठमाडौं, साउन १४ – शान्तिका लागि जुडो भन्ने नारासाथ सञ्चालित प्रथम दक्षिण एसियाली क्याडेट जुडो च्याम्पियनसिपमा नेपालले शुक्रबार २ स्वर्ण जितेको छ। त्यससँगै नेपालले १२ रजत र २२ कास्य पनि हात पार्‍यो।
नेपाल जुडो संघद्वारा आयोजित प्रतियोगितामा भारत ९ स्वर्णसाथ अग्रस्थानमा छ। बंगलादेशले पनि १ स्वर्ण र २ कास्य जित्यो। प्रतियोगिताको पहिलो दिन १० देखि १३ वर्षमुनिको पुरुषतर्फ २६ केजीमा भारतका औराविन्दा घोस पहिला भए। उनले नेपाल ‘सी’ का अजय राइलाई हराए। पुरुष ३० केजीको फाइनलमा नेपाल ‘ए’ का विकास भुजेलले नेपाल ‘डि’ का रोशन दोङलाई हराउँदै शीर्ष स्थान कब्जा गरे।

पुरुषको ३४ केजीमा नेपाल ‘सी’ का रुपेश शाहीले शीर्ष स्थान कब्जा गरे। फाइनलमा उनले नेपाल ‘ए’ का विधान रोका मगरको चुनौती समाप्त पारे। पुरुषको ३८ केजीमा भारतका अनुपम पाल पहिलो भए। उनले नेपाल ‘ए’ का राज राईलाई पाखा लगाए।

पुरुषको ४२ केजीमा भारतका मोहनमहादेव गाधीले बाजी मारे। उनले नेपाल ‘ए’ का अनिल तामाङलाई निराश पारे। पुरुषको ४२ केजीमाथिको उपाधि भिडन्तमा भारतका यम्नाम हिरोजित सिंहले नेपाल ‘ए’ का कृष्ण जिएमलाई पन्छाएर स्वर्ण चुमे।

राष्ट्रिय खेलकुद परिषद (राखेप) को कभर्ड हलमा भएको १३ देखि १६ वर्षको महिलातर्फ ३६ केजीमा भारतकी दिवयानी सिंह पहिलो भइन्। दिव्यानीले नेपाल ‘डि’ की स्वस्तिका अदुवालाई पाखा लगाइन्।

महिलाको ४० केजीमा भारतकी ऐश्वर्य कुक्रेतीले पहिलो स्थान कब्जा गरिन्। फाइनलमा ऐश्वर्यले नेपाल ‘ए’ की प्रियंका थापालाई निराश पारिन्। महिलाको ४४ केजीमा भारतकी रुकुल शेरावत पहिलो भइन्। रुकुलले नेपाल ‘ए’ की विष्णु खड्कालाई पन्छाइन्। महिलाको ४८ केजीमा अस्रफी अख्तर त्रिसियाले बंगलादेशलाई पहिलो स्वर्ण दिलाइन्। उनले नेपाल ‘ए’ की सीता सार्कीलाई पाखा लगाइन्।

महिलाको ५२ केजीमा भारतकी पूजालक्ष्मण गवाडे अगाडि रहिन्। फाइनलमा पूजाले नेपाल ‘बी’ की कुमारी तामाङलाई रोकिन्। महिलको ५२ केजीमाथि भारतकी कृष्णादेवी भिजिनोल सनिलले फाइनलमा नेपाल ‘ए’ की सिमला तामाङलाई हराई शीर्ष स्थान ओगटिन्।

प्रतियोगितामा नेपालका ९६, भारतका १८ र बंगलादेशका ९ गरी जम्मा १२३ खेलाडी सहभागी रहेको प्रतियोगिता निर्देश राजेश कर्माचार्यले बताउनुभयो। शनिबारसम्म चल्ने प्रतियोगितामा १२ स्वर्ण, १२ रजत तथा २४ कास्यसहित ४८ पदकका लागि प्रतिस्पर्धा भइरहेको छ। यसैबीच जुडो संघकै आयोजनामा शुक्रबार सेमिनार सकिएको छ।

Advertisements
 

जवाफ लेख्नुहोस्

Fill in your details below or click an icon to log in:

WordPress.com Logo

You are commenting using your WordPress.com account. Log Out / बदल्नुहोस )

Twitter picture

You are commenting using your Twitter account. Log Out / बदल्नुहोस )

Facebook photo

You are commenting using your Facebook account. Log Out / बदल्नुहोस )

Google+ photo

You are commenting using your Google+ account. Log Out / बदल्नुहोस )

 
%d bloggers like this: