RSS

आङ्काजीको कांग्रेस, एमालेका जनजाति नेताहरुप्रति आक्रोश, मन्त्रीको लोभमा उनीहरुले पहिचानको बिरोधमा बोलिरहे जिब्रो थुतेर असनको भुस्याहा कुकुरलाई दिनेछौ

15 जुन
  •   आङ्काजीले नेता र सभासदलाई आची खाने कुकुरको संज्ञा पनि दिए । स्वर्गमा सँगुरले आची खान पाइन्छ भनेर सोध्छ भन्ने किस्सा सुनाउँदै संविधान बनाउन गएका सभासदहरु सुँगुर जस्तै गरी आची खान प्रधानमन्त्रीको कुर्सीमा घुमेको भन्दै व्यंग्य गरे
  • कमल थापा, अब पनि राजा ल्याउने कुरा गरिरहनुभयो, त्यसलाई छाड्नुभएन भने हतकडी लगाएर मुद्दा चलाउनेछौं ।
  • माओवादी नेताहरुको मुक्त कण्ठले प्रशंसा गर्दै अरु दलका नेताहरुलाई उछित्तो काढे । 
  • कांग्रेस-एमालेको सभामा मान्छे जनजाति भएपनि विचार बाहुनवादी र माओवादी सभामा मान्छे बाहुनबादी भएपनि व्यवहार जनजाति भएको बताए 

अक्सर चर्को र अराजक बोलेर बिबादमा आउने जनजाति महासंघका महासचिव आङकाजी शेर्पाले आफ्नै समुदायका नेताको जिब्रो थुतेर कुकुरलाई दिने चेतावनी दिएका छन् । माओवादीले खुलामञ्चमा आयोजना गरेको सभामा बोल्दै शेर्पाले भने-’मन्त्रीको लोभमा उनीहरुले पहिचानको बिरोधमा बोलिरहेका छन, खबरदार यसैगरी बोल्ने हो भने तिमीहरुको जिब्रो थुतेर असनको भुस्याहा कुकुरलाई दिनेछौं ।’ जातीयताको बिरोधमा रहेका कांग्रेस, एमालेका जनजाति नेताहरुप्रति उनको आक्रोश थिए ।शेर्पाले राजाको पक्षमा बोलिरहने हो भने कमल थापालाई ताम्सालिङ राज्यको पहिलो कैदी बनाउने चेतावनी दिए । ‘कमल थापा, अब पनि राजा ल्याउने कुरा गरिरहनुभयो, त्यसलाई छाड्नुभएन भने हतकडी लगाएर मुद्दा चलाउनेछौं ।’
आङ्काजीले नेता र सभासदलाई आची खाने कुकुरको संज्ञा पनि दिए । स्वर्गमा सँगुरले आची खान पाइन्छ भनेर सोध्छ भन्ने किस्सा सुनाउँदै संविधान बनाउन गएका सभासदहरु सुँगुर जस्तै गरी आची खान प्रधानमन्त्रीको कुर्सीमा घुमेको भन्दै व्यंग्य गरे । प्रधानमन्त्रीको कुर्सीको आची खाने काम छाडेर सहमति र सहकार्यमा लाग्न उनले जोड दिए । उनले प्रचण्ड, झलनाथ खनाल र सुशील कोइरालाले सहमतिको नाममा राजधानीका सबै रिसोर्ट गएर अण्डा र टोस्ट खाँदा पनि प्रगति नभएको भन्दै व्यंग्य पनि गरे । उनले संविधानसभामा बहुमतीय प्रकृया शुरु किन भएन भन्दै पूर्व सभामुख र शीष नेताहरुसित प्रश्न पनि गरे । उनले माओवादी एकताले मात्र जातीय पहिचान सुनिश्चित हुन्छ भन्दै पार्टी एकतामा लाग्न मोहन वैद्यलाई आग्रह गरे ।
उनले मुख्य तीन पार्टीलाई जनजातिको दल बनाउने दावी गरेका छन् । ‘माओवादी, कांग्रेस र एमालेलाई अब आदिवासी जनजाति बनाएरै छाड्नेछु’ उनले भने -’यसकै लागि म सभामा भाग लिन आएको हो ।’ उनले आदिवासी जनजाति कुनै पार्टीको अधिनमा नबस्ने, सबैमा आफूहरुको नेतृत्व बनाउने दावी पनि गरे । माओवादी नेताहरुको मुक्त कण्ठले प्रशंसा गर्दै अरु दलका नेताहरुलाई उछित्तो काढे । कांग्रेस-एमालेको सभामा मान्छे जनजाति भएपनि विचार बाहुनवादी र माओवादी सभामा मान्छे बाहुनबादी भएपनि व्यवहार जनजाति भएको बताए । जातीय पहिचानको लागि सभा भएको भन्दै उनले माओवादीको प्रशंसा गरे । जातीय संघीयतामा जोड दिएको भन्दै उनले एमालेका मंगलसिद्धि मानन्धर र रामचन्द्र झाको पनि प्रशंसा गरे ।

Advertisements
 

जवाफ लेख्नुहोस्

Fill in your details below or click an icon to log in:

WordPress.com Logo

You are commenting using your WordPress.com account. Log Out / बदल्नुहोस )

Twitter picture

You are commenting using your Twitter account. Log Out / बदल्नुहोस )

Facebook photo

You are commenting using your Facebook account. Log Out / बदल्नुहोस )

Google+ photo

You are commenting using your Google+ account. Log Out / बदल्नुहोस )

 
%d bloggers like this: