RSS

जागिर लगाइदिने भन्दै यौन दुव्र्यवहार गर्ने पक्राउे

22 जुन


काठमाडौ, असार ७ –
‘पोखरा र चितवनमा लेडिज मोडल चाहियो,’ ‘अफिसमा लेडिज रिसेप्सनिस्ट र क्यासियर चाहियो,’ भन्दै राष्ट्रिय दैनिक पत्रपत्रिकामा मोबाइल नम्बरसहितको विज्ञापन छापी महिलालाई झुक्याएर बोलाई यौन दुव्र्यवहार र लुटपाट गर्ने एकजनालाई प्रहरीले पक्राउ गरेको छ । महानगरीय प्रहरी अपराध महाशाखाको कालिमाटी सेल र कालिमाटी वृत्तले दैलेखका थुमबहादुर चन्दलाई पक्राउ गरेको छ ।
डीएसपी टेकबहादुर तामाङका अनुसार उनले यसरी विज्ञापनमार्फत झुक्याउँदै काठमाडौं र पोखरामा महिलामाथि यौन दुव्र्यवहार र लुटपाट गर्ने गरेको प्रारम्भिक अनुसन्धानबाट खुलेको छ । चन्दले गत जेठ १२ गते एक राष्ट्रिय दैनिकमा लेडिज रिसेप्सनिस्ट, क्यासियर तथा पोखरा र चितवनमा मोडल चाहिएको विज्ञापन छपाएका थिए । विज्ञापनमा उल्लेखित मोबाइल नम्बर डायल गरेर जागिर खान गएकी एक युवतीलाई चन्दले यौन दुव्र्यवहार गरेका छन् । उनले टोखाकी एक युवतीलाई जागिर लगाइदिने भन्दै बोलाएर दुव्र्यवहार गरी उनले लगाएका सबै गरगहना लुटेर लगेका छन् । ‘फोनमा कुरा भएपछि ती युवती जागिरका लागि अन्तर्वार्ता दिन पतिसँग त्यहाँ गइछन्,’ डीएसपी तामाङले भने, ‘त्यो दिन सामान्य सोधपुछ गरेर भोलि पुनः अन्तर्वार्ता लिने भन्दै पठाएछ ।’ उनले भाटभटेनी सुपरमार्केटको नयाँ शाखा कलंकी र कोटेश्वरका लागि क्यासियर चाहिएकाले जागिर लगाइदिने आश्वासन दिएका थिए । भोलिपल्ट ती महिला एक्लै जागिर पाउने आसमा त्यहाँ पुगेकी थिइन् । चन्दले कलंकीको लुम्बिनी गेस्टहाउसमा बोलाएर अफिस माथिल्लो तलामा छ भन्दै लिएर गएका थिए । होटलको कोठामा पुगेपछि ढोका बन्द गरेर दुव्र्यवहारको प्रयास गरेका थिए । युवती कराउन थालेपछि जुत्ताको मोजा भित्रबाट चक्कु निकालेर आफू गुण्डा भएको बताउँदै कराएमा ज्यान मार्ने धम्की दिएका थिए । ‘जबरजस्ती गरेपछि युवतीसँग भएका सुनका गरगहना, मोबाइल फोन सबै लुटेर बाथरुमभित्र थुनेर भागेछ,’ तामाङले भने, ‘युवतीले बाथरुम भित्रबाट धेरैबेर कराएपछि मात्र बाहिरका व्यक्तिहरूले सुनेर ढोका खोले छन् ।’ चन्दले युवतीसँग भएको एक तोलाको सुनको सिक्री, आधा तोलाको कानमा लगाउने रिङ, नगद २ हजार र मोबाइल फोन लगेको प्रहरीले जनाएको छ । पीडित युवतीले कालिमाटी प्रहरीमा उजुरी दिएपछि प्रहरीले उनलाई पक्राउ गरेको हो । चन्दले यसअघि पनि विभिन्न स्थानमा गएर स्थानीय र राष्ट्रियस्तरका पत्रपत्रिकामा विज्ञापन छापी त्यही मार्फत युवतीहरूलाई फसाउँदै आएको प्रहरीले जनाएको छ ।

‘उसको सम्पर्कमा गएर दुव्र्यवहार भएका युवतीहरूलाई पुनः ब्ल्याकमेलसमेत गर्ने गरेको रहेछ,’ तामाङले भने, ‘हरेक विज्ञापनमा फरकफरक मोबाइल नम्बर राख्ने गरेको पाइयो ।’ चन्दले जागिरका लागि नागरिकता र शैक्षिक योग्यताको प्रमाणपत्र र फोटो ल्याउन लगाई पीडितहरूकै फोटो र नागरिकताबाट नयाँ सिम लिने गरेका थिए ।

काठमाडौंमा ठगी गरेपछि चन्द पोखरा पुगेका थिए । त्यहाँ पनि उनले स्थानीयस्तरको पत्रिकामा विज्ञापन प्रकाशित गरी काठमाडौंमा जसरी नै ठगी गरेका थिए । पोखराको महेन्द्रपुलस्थित एक कार्यालयलाई महिला कर्मचारी चाहिएको र ७ हजार रुपैयाँ तलब दिने भन्दै विज्ञापन छापेर मोबाइल नम्बर दिएका थिए । त्यो नम्बरमा सम्पर्क गरेर जागिर खान गएकी कास्की छारेपाटनकी एक युवतीलाई पृथ्वीचोकमा बोलाएर बसपार्कको एक होटलमा लगि यौन दुव्र्यवहार गर्दै गरगहनाहरू लुटेर भागेका थिए ।

चन्दको मोबाइल कल डिटेलका आधारमा अन्य पीडितलाई सम्पर्क गर्दा उनीहरूले आफ्नो नाम बाहिर सार्वजनिक नगरिदिन र चन्दका विषयमा कुरा नगर्न आग्रह गरेका थिए । प्लस टु उत्तीर्ण २३ वर्षे चन्दले आफू राष्ट्रिय अनुसन्धानको असई भएको बताउँदै विभिन्न व्यक्तिलाई सेनामा जागिर लगाइदिने भनेर पनि ठगी गरेको भेटिएको छ ।

सेनामा जागिर लगाइदिने भन्दै सल्यान माझकाडाका रविनबहादुर ओलीबाट २ लाख रुपैयाँ लिएर उनी फरार भएको प्रहरी अनुसन्धानमा खुलेको हो ।

Advertisements
 

जवाफ लेख्नुहोस्

Fill in your details below or click an icon to log in:

WordPress.com Logo

You are commenting using your WordPress.com account. Log Out / बदल्नुहोस )

Twitter picture

You are commenting using your Twitter account. Log Out / बदल्नुहोस )

Facebook photo

You are commenting using your Facebook account. Log Out / बदल्नुहोस )

Google+ photo

You are commenting using your Google+ account. Log Out / बदल्नुहोस )

 
%d bloggers like this: